Inkludert i prisen for ein utstillarplass er følgjande:
sjølve utstillarplassen (2 x 1,5 meter)
eit lavt bord og stolar
strømtilgang (husk å ta med eigne strømkablar)
trådlaust nettverk
kaffe/te, samt frukt og lunsj
Merk at kun ein utstillarrepresentant inngår i prisen for ein utstillarplass. Øvrige representantar registrerer seg med ordinær deltakaravgift. Hugs at denne prisen aukar frå og med 22. april.
Utstillarseminar
Prisen for eit utstillarseminar inkluderer konferansedeltaking for ein foredragshalder med same tilbod på bevertning som utstillarrepresentanten. Du vil med andre ord ha to deltakarar inkludert dersom du bestiller utstillarplass og utstillarseminar.
I år får du også moglegheit til å presentere seminaret i plenum i ein eitt-minutts pitch under opninga.
Utstyr til utstillarplass
Utstillarplassen er utan messeveggar. Dette, samt anna ekstra utstyr (til dømes skjermar, ekstra bord, sofa, plantar og stoler og likande), er det mogleg å leie frå Compassfairs. Ta kontakt med tarjei@compassfairs.no for å bestille.
Betaling for leie av utstyr betalast direkte til Compassfairs
Transport av utstyr til utstillinga
Adresse og merking av kolli
Alle kolli som skal sendast til Trondheim, Realfagbygget merkast med følgjande adresse:
Kontaktperson: vaktmeister, telefon 918 97 378
Alle kolli merkast: «Utstilling Læringsfestivalen 2024».
Kollia blir ståande i U4 (underetasje 4). Utstillarar må sjølv sørge for at utstyret blir kjørt opp til konferanseområdet U1. Jekk og trallar står til disposisjon. Vi gjer merksam på at NTNU fraskriv seg eitkvart ansvar for utstillerane sitt utstyr. Verdifullt utstyr kan oppbevarast i sekretariatsrommet forut for og mellom konferansedagane. NB! Mottaket er stengt tirsdag.
Utstillar står sjølv ansvarleg for å få sendt kollia til og frå konferansen, samt til og frå utstillarområdet under sjølve konferansen. Avtal derfor med dykkar transportør når kollia skal hentas. Fraktbrev og likande, samt merking av kolli må de sørge for sjølv. Pass på at alt som sendast blir ståande samla på ein pall og kjørt ned til DU4 – slik at alt blir med tilbake igjen etter konferansen.
Spørsmål om plassering, utforming av stand, og andre spørsmål av teknisk og praktisk art, rettast til utstilling@konferanser.ntnu.no – merk med Læringsfestivalen 2024.
Pris Læringsfestivalen 2024
Stand: kr 10 600,-
Utstillarseminar kr 8 000,-
Kansellering
Viss du melder deg av innan 21. april, må du betale 2000 kroner i avbestillingsgebyr. Det er ingen refusjon viss du melder deg av etter 22. april.
