På Læringsfestivalen ønskjer vi omsette dei fine orda i handling. Studentaktiv læring er ikkje berre viktig på skulen og i førelesingssalane, men også på konferansar. Difor vil vi at alle sesjonane skal innehalde minst halvparten interaktivitet. Mange vel kanskje å følgje opp ein presentasjon med ein diskusjon, men du kan gjerne finne andre måtar å involvere deltakarane på. Sjå døme lenger ned på sida.
Presentasjonen din
Send gjerne inn presentasjonen din på førehand, så har vi han viss det skulle vere naudsynt. Vi har PC-ar i konferanselokala, og vi installerer gjerne presentasjonen din der på førehand. Om du tek med eigen PC, ta gjerne med presentasjonen på ein minnepinne i tillegg, så er vi sikra.
Viss du godtek deling av presentasjonen din, må du hugse på å sende han til oss, så legg vi han ut etter konferansen.
Gje fila namn på følgjande måte: sesjon, tittel (eller dei første orda i tittelen). Eksempel: 3BSykepleiestudentersopplevelse (Filnamnet på ikkje kunne forvekslast med det andre bidraget i same sesjon.)
Denne sjekklista kan hjelpe deg å sjå om du har tilrettelagt økta di for alle.
Alle som snakkar i plenum må bruke mikrofon. Dette gjeld også innspel frå salen. Viss du gir ordet til ein person i salen, sei at dei må vente til nokon kjem med mikrofon til dei. Vi skal ha folk i rommet som kan gå rundt med mikrofonen.
Nokre presentasjonsprogram (til dømes Power Point) kan setje om det du seier i sanntid til mange ulike språk. Denne funksjonen kan også vere nyttig for hørselshemma.
Døme på aktivisering av deltakarane
Viss du skal snakke om et verktøy du har prøvd, kan du gjerne aktivisere deltakarane ved å ta i bruk verktøyet i økta di.
Viss du skal ha eit foredrag og ein etterfølgjande diskusjon, kan du sjølv førebu spørsmål. Desse kan du nytta til å sparke i gong diskusjonen, eller du kan ha dei i bakhand i fall diskusjonen går trått.
Viss du skal presentere resultat frå forsking, kan du bryte opp økta med å spørre deltakarane kva dei trur resultatet vart, før du presenterer det.
Viss du stiller spørsmål til deltakarane, kan du få svar på fleire måtar. Til dømes kan dei syne svaret ved hjelp av hendene (knytta neve elle ei ope hand viss det er ja/nei-spørsmål). Dei kan snakke saman to og to eller i grupper, og nokre kan svare i plenum. Dei kan også svare ved hjelp av digitale verktøy.
Mange liker å bruke Mentimeter eller tilsvarande verktøy. Det er ikkje nødvendigvis eit godt val på ein fysisk konferanse. Viss du skal bruke Mentimeter, tenk gjennom kva deltakarane skal få ut av det.
Postersesjon
Format på posterar: A0 (841mm x 1189mm), ståande.
Du får ein plass der du kan henge opp posteren på morgonen første dag, dette kan du gjere mellom kl. 08.00 og 09.00
Alle som bidrar med poster får eitt minutt i plenum til å presentere sin poster i ein posterpitch under opninga.
Måndag 11.15–12.00 er sett av til postervandring. Då kan du presentere posteren for publikum.
Det er også to lengre pausar i programmet, og det kan vere lurt å vere tilgjengeleg ved posteren under desse også. Pausane er måndag 15.30–16.00 og tysdag 10.30–11.00.
