Reservasjon av studieplass

Reservasjon av studieplass

Etter at du har fått tilbod om plass på eit studium ved NTNU, kan du søkje om å reservere studieplassen. Du kan søkje om å reservere plassen for 1 eller 2 år. Grunnlag for reservasjon kan vere militær- eller sivilteneste, alvorleg sjukdom, fødsel, adopsjon eller andre tungtvegande årsaker.

Når du har fått eit vedtak om reservasjon av studieplass to år fram i tid, er det ikkje mogleg å bruke reservasjonen etter berre eitt år. Dersom noko uventa skjer og du likevel ønskjer å studere etter berre eitt år, skal du søkje opptak på vanleg måte, utan reservasjon.

Det er mogleg å søkje om reservasjon av studieplass for eitt år av gongen. For mange kan dette vere eit meir fleksibelt alternativ.

 

Slik søkjer du:

1. Takk ja til tilbod om studieplass innen gjeldande svarfrist

  • Frist for å søkje om reservasjon er innan 3 veker etter du mottok tilbodet om studieplassen.
  • Sjølv om du har fått meir enn eitt tilbod i opptaket, kan du berre reservere éin studieplass.

 

2. Fyll ut søknadsskjema og legg til vedlegg

Søknadsskjema for reservasjon av studieplass

Skjemaet skal fyllast ut elektronisk, og for å logge inn på skjemaet må du ha norsk fødsels- og personnummer. Viss du ikkje har det, må du senda ein e-post til opptak@ntnu.no for å få tilsendt søknadsskjema.

Når du søkjer om reservasjon av studieplass, må du vita kva fakultet studiet ditt tilhøyrer:

Dokumentasjon

Grunnlaget for søknaden må dokumenterast med tenesteinnkalling, legeattest eller liknande dokumentasjon.