Eit studieopphald i eit fransktalande land er av stor verdi når du studerer fransk. Du blir kjend med fransk språk og kultur på ein måte som elles ikkje er mogleg, og du får høve til å betre språkferdigheitene dine.

Utvekslinga kan leggjast til 2. eller 3. år og har vanlegvis ei varigheit på eitt eller to semester. Du bør starte med planlegginga av utanlandsopphaldet allereie i første studieår.

Du har stor fridom i val av fordjuping, støttefag og valemne (sjå Studiets oppbygning). Du kan ta støttefag og/eller valemne i utlandet, eller du kan velje å ta fordjupingsemne i fransk. Val av emne i utlandet blir gjort i samråd med studierettleiar og faglærar og skal godkjennast før du reiser ut.

Kvar kan eg studere?

Ved universitetet i Caen kan du ta ein semesterpakke med påbyggingsemne i fransk både i haust- og vårsemesteret. Den blir automatisk førehandsgodkjend som erstatning for 30 studiepoeng med påbyggingsemne i fransk.

Våre studentar har til dømes reist til:

• Université Paris Sorbonne
• Université de Toulouse Jean Jaurès
• Université de Paul et de Pays de I´Adour  

Informasjon om utveksling ved NTNU

Studietur til Caen

I andre semester av studiet kan du dra på eit femvekers kurs ved Det fransk-norske studiesenteret i Caen i Normandie. Studieopphaldet i Frankrike gir deg eit unikt høve til å bli betre kjent med fransk kultur og å auka språkferdigheitene dine tidleg i studiet.