Dei kunstnariske fagtilsette ved Institutt for musikk driv primært med utøvande og skapande verksemd. Både i kvalitet og kvantitet gjer instituttet seg gjeldande i nasjonal og internasjonal samanheng.

Kunstnerisk utviklingsarbeid

Brorparten av det kunstnariske utviklingsarbeidet er knytt til framføringsrelaterte problemstillingar. Det omhandlar både raffinering av eksisterande praksis og utvikling av nye former for musikalsk framføring. Dels kan desse vera relaterte til utvikling av nye instrument og teknologiar, men også innanfor meir tradisjonelt sjangerbaserte uttrykk. Arbeidet inneber ofte tverrfaglege spørsmål som naturleg knyter opp mot andre disiplinar både innanfor humaniora og NTNUs meir teknisk relaterte fagfelt.

Fleire tilsette ved utøvande musikk har i tillegg verv innan ulike festivalar, ensemble og plateselskap, gjerne som kunstnariske leiarar. Det kunstnariske utviklingsarbeidet og utøvarpraksisen er ofte i samarbeid med eksterne nasjonale og internasjonale komponistar og utøvarar.