Utvikling, prosjekt og innovasjon

Det humanistiske fakultetet

Utvikling, prosjekt og innovasjon

Utviklingsarbeid på utdanningsområdet

Studenter i faget komposisjon og produksjon. Foto — Foto: Cecilie Baar/NTNU

Vårt utviklingsarbeid på utdanningsområdet

For å løyse utfordringane verda står overfor og skape eit berekraftig samfunn, krevst kunnskap om korleis kultur og historie formar vår forståing og våre val. Slik innsikt er avgjerande i eit samfunn prega av vedvarande forandringar. Vår særlege styrke ligg i forståinga av samanhengar mellom menneske, kultur, samfunn, natur og teknologi (frå strategi for Det humanistiske fakultetet 2018-2025).

Utvikling og forbetring av studietilbodet føregår kontinuerleg gjennom NTNUs kvalitetssystem, skolerings- og erfaringsdeling. Våre undervisarar driv innovative utviklingsprosjekt på utdanningsområdet, finansiert gjennom mellom anna NTNUs Toppundervisningsordning, utdanningsprogramma til HK-dir og fakultetet sine strategimidlar. Utforming av læringsareal og etablering av nye rom er òg ein del av vårt nyskapande utviklingsarbeid.

Strategisk mål: Det humanistiske fakultetet skal tilby nytenkande og utforskande undervisning, utført av undervisarar som er sentrale bidragsytarar i NTNU sitt arbeid med læring og utdanningskvalitet

Pågåande utviklingsprosjekt

MuSaDel - Museum, samfunn, deltakelse

Prosjektet arbeider for dialog mellom utdannings- og museumssektoren for å utvikle eit konkret relevant undervisningstilbod. MuSaDel kartleggjer erfaringar frå overgangen frå studiar til arbeidslivet, og kompetansebehov som vil bli viktige i sektoren framover. Dette for at studentar skal ha forskingsbaserte og praksisnære undervisningstilbod som førebur dei på å utvikle framtidas museum. I tillegg til ei etter- og vidareutdanning der museumsansatte kan utvikle kompetansen sin gjennom heile arbeidslivet.

Samarbeid kulturskole og grunnskole. Lærer med grunnskolebarn. Foto

UniKuP - Universitetskulturskuleprosjektet

UniKuP vil styrkje samarbeidsstrukturane mellom kulturskulen og høgare utdanning for å utvikle betre kulturskular og betre utdanningar. Ein intensjon i UniKuP er å etablere universitetskulturskulen som eit varig partnerskap lokalt, og å bidra til fleire universitetskulturskular nasjonalt. Partnarar i prosjektet er Institutt for musikk, Trondheim kulturskule, Institutt for lærarutdanning, Norsk kulturskuleråd og Nasjonalt kompetansesenter for kultur, helse og omsorg.

ACDC - Assessing Collaborative Digital Case-based learning

Målet for prosjektet er å utvikle ein modell for å ta i bruk Case-based Learning and Assessment (CABA) i emne og studieprogram som kombinerer fysiske samlingar med digital undervisning. Prosjektet vil teste ut ulike evalueringsformer for å undersøkje kva som fungerer best når mykje av undervisninga ikkje blir gitt på campus, men er tilgjengeleg når-som-helst og kvar-som-helst. Prosjektet vil aktivt involvere studentane i planlegging og gjennomføring.

Toppundervisning

Toppundervisningsprosjekt ved NTNU

For studentar

Informasjon til studentar

Kompetanse, jobb og karriere

Spørsmål om våre studiar?
Kontakt din studierettleiar

Kontakt oss

 postmottak@hf.ntnu.no

Tilsette studieseksjonen

Språkvelger

Utvikling, prosjekter og innovasjon innen utdanning - Det humanistiske fakultetet