Oppgåve nrTittel: Luftlekkasjar i bygningar
Bakgrunn: Luftlekkasjemåling av bygningar blir gjennomført for å:
- dokumentere at krava til lekkasjetal i Byggteknisk forskrift (TEK17) er tilfredsstilt, eventuelt at lekkasjetalet er innafor enda strengare krav til lufttettheit bestemt i prosjekteringa
- finne lekkasjetal til bruk ved energiberekning
- kartlegge luftlekkasjar som kan verke inn på energibehov og termisk komfort
- avdekke interne luftlekkasjar mellom brukseiningar som kan påverke brannspreiing, lyd- og smitteoverføring
Samtidig med lekkasjemåling er det vanleg å termografere bygningen for å lokalisere eventuelle luftlekkasjar, kuldebruer og andre kjelder til varmetap.
Lufttettheitsmåling blir som regel utført etter retningslinjene gitt i NS-EN ISO 9972:2015 Bygningers termiske egenskaper - Bestemmelse av bygningers luftlekkasje – Viftetrykkmetode og Byggforskserien 474.621 Framgangsmåte ved luftlekkasjemåling av bygninger. Likevel er det rom for ulik tolkingar og utføringar. Måling etter standarden krev eksempelvis måling med minst fem ulike trykk, men er vag på kva som bør brukast og konsekvensane av avvik.
Vi har tilgang til rapportar frå lekkasjemåling og termografering frå mange bygningar rundt om i landet. Rapportane representerer ei kartlegging av tilstanden til nybygg ved overtaking og kan dermed gi oss ei god oversikt over typiske lekkasjepunkt, problemkonstruksjonar og målemetodikk.
Kort beskriving av oppgåva: Oppgåva går ut på å systematisere informasjon frå utførte lekkasjemålingar og termograferingar med tanke på avdekke læringspunkt for norsk byggenæring. Prosjektoppgåva vil fungere som eit forprosjekt og innleiing til masteroppgåva. I prosjektoppgåva skal du bli kjent med problemstillinga og sette deg inn i relevant teori.
Talet på studentar på oppgåva: 1-2
Kontaktperson ved IBM: Tore Kvande tore.kvande@ntnu.no
Ekstern samarbeidspartner: SINTEF.