For å få opptak til ph.d.-emna våre må du ha fullført mastergrad eller tilsvarande utdanning.

Søkarar som ikkje har ein aktiv studierett ved NTNU, må søke om dette før dei kan melde seg opp til ph.d.-emne/forskarstudiar.

På nettsidene til Opptakskontoret finn du meir informasjon om opptak til ph.d.-emne og forskarstudiar ved NTNU for eksterne kandidatar.

Slik søker du

Interne søkarar

Studentar med aktiv studierett ved NTNU melder seg opp til ph.d.-emne via NTNUs studentweb.

Eksterne søkarar

Søkarar som ikkje har aktiv studierett ved NTNU, må søke opptak via Søknadsweb.

Når du har logga inn i Søknadsweb og har fylt ut personinfo, gjer du følgande val:

1. Vel Enkeltemne.
2. Vel Ph.d.-kurs/forskarstudiar for eksterne kandidatar.
3. Søknadsalternativ (vel frå lista):
   • Ph.d.-stipendiatar som skal søke opptak til eit ph.d.-program eller er i ein søknadsprosess om opptak til ph.d.-program, skal velje alternativet 9427 Ph.d.-kurs/forskarstudiar ved SU.
   • Alle andre søkarar som ikkje er ph.d.-stipendiat, skal velje alternativet 9690 Ph.d.-kurs/forskarstudiar for eksterne kandidatar.
4. Skriv emnekode for emnet/emna du ønsker å søke på, i merknadsfeltet.
5. Last opp all naudsynt dokumentasjon som vedlegg til den elektroniske søknaden (vitnemål for fullført master/hovudfag og eventuelt brev om opptak på ph.d.-program, eller dokumentasjon på allereie betalt semesteravgift ved annan institusjon).

Rangering

Vi rangerer søknadene i denne rekkefølga*:

1. Søkarar som er tilknytt ph.d.-program ved NTNU
2. Søkarar som kan dokumentere opptak til ph.d.-program ved andre institusjonar
3. Søkarar som kan dokumentere at dei er tilsett som stipendiat ved NTNU, og i prosess med å søke opptak til ph.d.-program
4. Søkarar som kan dokumentere at dei er tilsett som stipendiat ved annan institusjon, og i prosess med å søke opptak til ph.d.-program
5. Søkarar som kan dokumentere at dei er i gang med kvalifiseringsløp for opprykk til førstelektor
6. Andre søkarar

*Seks plassar på kvart av kursa er haldne av til studentar som er tilknytt NorTED institusjoner.