Vurderingsordning

Faglig innhold

Sentralt i kulturminnevernet står registreringar, dokumentasjon, betydings- og verdivurderingar. Dette dannar grunnlag for forvaltnings-, formidlings- og forskingsoppgåver. Arbeidet krev kjennskap til ulike kjeldekategoriar og metodar for innhenting og analyse av kjelder slik at ein har eit mest mulig informert avgjerdsgrunnlag. Dette kurset gir grundig innføring i dokumentasjon og forskingsmetodar og gir trening for å kunne produsere utgreiingar og forskingslitteratur. Hovuddelen av kurset gir innføring i ulike typar kjelder av relevans for kulturminnefaglige problemstillingar, herunder kunnskap om metodar for innsamling og analyse av ulike kjeldekategoriar, kunnskap om arkivorganisering og framfinningsteknikkar og innføring i arkiv- og forskingsetikk. Kurset har også ein prosjektdel der hovudvekta ligg på det metodiske. Prosjektoppgåva skal gi trening i sjølv å finne fram til og arbeide med kjelder til eit bestemt tema og ei bestemt problemstilling (vald i samråd med faglærar) og i å drøfte i kva grad den/dei valde metoden/ane er eigna for å svare på den problemstillinga som er reist.

Læringsutbytte

Ein kandidat som har bestått emnet, blir forventa å ha følgjande totale læringsutbytte i høve til studieplanens skildring av emnet, definert som kunnskapar og ferdigheiter:

Kunnskap

Kandidaten har inngåande kunnskap om

• ulike typar kjelder av relevans for kulturminnefaglige problemstillingar
• arkivorganisering og framfinning av kjelder
• innsamlings- og dokumentasjonsmetodar
• ulike analysemetodar
• arkiv- og forskingsetikk

Ferdigheter

Kandidaten har

• avanserte ferdigheiter i å innhente, systematisere, tolke og analysere kjelder til kulturminnefaglige problemstillingar
• avanserte ferdigheiter i å drøfte kulturminnefaglige spørsmål på basis av tilgjengelig informasjon
• gjennom prosjektarbeid trening i å prøve ut metodar for å undersøkje eit bestemt tema og problemstilling innafor kulturminnevernet

Læringsformer og aktiviteter

Forelesingar, øvingar, ekskursjonar, feltarbeid, arkiv- og kjeldestudium og prosjektarbeid. Meir informasjon blir gitt ved semesterstart. Krav om 75 % deltaking ved forelesingar, øvingar, ekskursjonar og feltarbeid. Mindre innleveringar i samband med øvingar og ekskursjonar. Avsluttande prosjektoppgåve som blir vurdert etter karakterskalaen A-F.

Obligatoriske aktiviteter

• Krav om 75 % deltaking ved forelesning og ekskursjoner
• 6 mindre innleveringer

Spesielle vilkår

Anbefalte forkunnskaper

Kurset er nært knytt til AAR4825 Bygningsdokumentasjon, og det er ein fordel om desse kursa blir tatt i same semester.

Forkunnskapskrav

Bachelorgrad i kulturminneforvaltning eller tilsvarande godkjent utdanning. Krev opptak til masterprogrammet i kulturminneforvaltning.

Kursmateriell

Informasjon vil bli gitt ved semesterstart.

Studiepoengreduksjon