Ved Institutt for sosialantropologi forskar vi på dei spesifikke historiske, sosiale og kulturelle dimensjonane i tema som teknologi og framtid, global ulikskap, organisasjon og berekraft, og migrasjon og mobilitet. Vi gjer komparative etnografiske studiar i heile verda med hovudvekt på Afrika, Europa og Latin-Amerika. Slik er ein «global komparativ antropologi» treffande for instituttet sitt bidrag til forståing av samtida og utfordringane i samtida, der vi støttar opp om NTNUs innsats for å nå FNs berekraftsmål.

Forskinga ved instituttet er organisert i forskingsgrupper som samarbeider med andre fagmiljø og samfunnsaktørar lokalt, nasjonalt og internasjonalt.

Instituttet jobbar for eit forskingsmiljø der forskarane har fridom til å forfølge sine faglege talent og interesser, i eit miljø for kritisk, fagleg utveksling og samarbeid. Instituttet vil auke innsatsen for eksternfinansiering og prosjektutvikling.

Instituttet har fokus på kvalitet i publisering og formidling, i ei breidde av formidlingskanalar, frå internasjonalt anerkjende tidsskrift til lokale aviser. Vi styrker og tydeleggjer relasjonen mellom undervisning, forsking og samfunnsliv. Dette gjeld og forskarutdanninga gjennom å integrere ph.d.-ar og post. doc.-ar i sterke og aktive forskingsgrupper.

Forskargrupper

• Teknologiens antropologi
• Anthropologies of Sustainability
• Temporalities of mobility and migration
• Global ulikskap

Forskingsprosjekt

• The Making of Pasturing Pigs - Kontakt: Jan Ketil Simonsen og Lorenzo Cañás Bottos
• EMERGE Centre for Student-Active Learning and Emerging Technologies – Kontakt: Håkon Fyhn
• MultiFutures: Multidimentional Transition Pathway Analysis for Sustainable Futures – Kontakt: Jens Røyrvik 
• AUTOWORK Workers in transition through automation, digitalization and robotization of work – Kontakt: Håkon Fyhn
• Limits to Digitalization (L2D) – Kontakt Jens Røyrvik 
• CURE Conceptualizing and Understanding Resistance against Energy Policy and Technology – Kontakt Håkon Fyhn og Jens Røyrvik 
• Ethiopia Research Programme – Kontaktperson: Harald Aspen
• «ClassroomLab» - EØS-prosjekt i samarbeid med West University of Timisoara, Romania - Kontaktperson: Trond Berge

Nettverk

• SENLAB
• Gemini Centre for post-growth futures
• CTRL.net 
• The Community of Organizational Anthropology