Meistringslæring i intro programmering: plan for eit nytt emne

Sammendrag

Hausten 2023 startar eit nytt programmeringsemne spesielt for studentar på lektorutdanning i realfag ved NTNU. Opplegget vil vere basert på meistringslæring. I staden for avsluttande eksamen finst ein serie modultestar som studentane kan ta med individuell framdrift gjennom semesteret. I tillegg skal kvar student utføre eit individuelt prosjekt der programmering blir brukt med tanke på undervisning av realfag i skulen. Studentar må passere fleire testar og levere gradvis meir ambisiøst prosjekt jo betre karakter dei siktar mot. Artikkelen presenterer motivasjonen for korfor emnet blir lagt opp på denne måten, med gjennomgang av generell litteratur om meistringslæring, tilbakemelding og studieåtferd, og meir spesifikk litteratur om andre sine erfaringar med meistringslæring i innleiande programmeringsemne, både i Noreg og utlandet. Deretter presenterer vi det planlagte undervisningsopplegget for emnet, og korleis studentar frå det aktuelle programmet har vore involvert i utviklingsprosessen. Til sist diskuterer vi mogeleg risiko og utfordringar som vil måtte handterast i opplegget, kva følgjeforsking som er tenkt utført undervegs, og korleis ein ser for seg vegen vidare.