I prydbed og kasser betyr komposisjonen av form og farge meir enn det vitskaplege for valet av planter. I desse plantingane blir det brukt mange foredla sorter, medan det i dei andre anlegga i botanisk hage hovudsakeleg er artar og variantar ein finn viltveksande i naturen.  

Framom hovudbygninga på Ringve gard blir beda kvart år planta til med eit nytt fargetema av hovudsakleg eittårige sommarblomer. På tunet er det ein kombinasjon av fleirårige blomsterbed og staselege blomekasser som gir liv til husa frå 1700-, 1800- og 1900-talet.  

Namnet Ringve kjem truleg av det gamalnorske Reyniviðr som betyr "rognetre, rogneskog". Gardshusa på Ringve er i dag sete for Ringve musikkmuseum.