Institutt for tverrfaglege kulturstudiar (KULT) driv kultur- og samfunnsforsking innanfor ei rekkje fagfelt, og vi har godt etablerte samarbeid med mange andre fagmiljø ved NTNU. Forskninga og undervisninga vår dekkjer fleire humanistiske og samfunnsvitskaplege fag, og våre hovudsatsingsområde er vitskaps- og kulturstudium og kjønn, likestilling og mangfald. Instituttet har ein ung, internasjonal og engasjert stab med eit breitt kontaktnett både nasjonalt og globalt, og vi har svært mange eksternfinansierte forskingsprosjekt på mange ulike felt.