Forskargruppa for norsk film og fjernsyn er knytt til faggruppa for filmvitskap ved Institutt for kunst og medievitskap, som over lang tid har hatt eit nasjonalt ansvar for å utvikle og spreie kunnskap om norsk films og norsk fjernsyns rolle historisk og i samtidskulturen. Gruppas medlemmer har lang erfaring med både individuelle og kollektive prosjekt knytt til filmhistoriske, estetiske og teoretiske studiar av det norske film- og fjernsynsfeltet.

Forskingfeltet vårt spenner frå studiar av bestemte historiske epokar, institusjonsstudiar, og studiar av spesifikke sjangrar i film og fjernsyn til individuelle regissørstudiar.

Vi ønskjer velkommen prosjekt av tematisk, historisk eller estetisk art knytt til desse og andre relevante felt innanfor eldre eller nyare norsk film og fjernsyn.