Instituttet har omlag 83 tilsette innan vitskapelege stillingar, 11 tilsette i tekniske stillingar og åtte administrativt tilsette. Dei fleste av våre tilsette har arbeidsplass Campus Gløshaugen, men vi har også to tilsette som held til på Campus Gjøvik.
Vi har eit breitt spekter med fagfolk som på ulikt vis driv med elektrisk energi. Det gir oss unike føresetnader til tverrfagleg forsking. Vi har fem forskingsgrupper med ansvar både for forsking og undervisning innan sine område, men som også jobbar på tvers i prosjekt. Vi tilbyr studieprogram på bachelor-, master- og ph.d.-nivå.
Instituttet arbeider i nært samarbeid med industripartnarar for å utvikle teknologi for produksjon av elektrisk energi frå fornybare energikjelder. Vi skal forske på løysingar for det framtidige kraftnettet. Slike løysingar skal ha høg relevans for samfunnet samtidig som industrielle behov og globale utfordringar også blir vektlagt.
Forskingsgruppeleiarane og leiar for teknisk stab utgjer, samman med instituttleiinga, leiargruppa på instituttet. Utvida leiargruppe består i tillegg av valde representantar.
Forskingsområder - om oss
Forskingsområder
Forskingsområda er både eksperimentelt og teoretisk retta. Eit studium ved instituttet gir dermed eit solid fundament for vidare utvikling og karriere innan ei rekke ulike område.
Forskings- og undervisningsansvaret er fordelt på faggruppene våre
Elektriske maskiner og elektromagnetisme
Høgspenningsteknologi
Kraftelektronikk – system og komponentar
Kraftmarknader og energisystemplanlegging
Kraftsystem - drift og analyse
Næringslivsnettverk
Samarbeid med næringslivet
EnergiKontakten er eit næringslivsnettverk av bedrifter og organisasjonar knytt til teknologistudiet Energi og miljø ved NTNU.
Målet for nettverket er å sikre rekruttering av høgt kvalifiserte sivilingeniørar til energisektoren ved å legge til rette for nær kontakt mellom næringsliv, studentar og faglærearar.
