Når vi veit meir om levekår og helse vil helsepersonell, folkehelseansvarlege og kvar enkelt av oss ha større moglegheit for å halde seg frisk, eller bli raskare frisk etter sjukdom. Ved å forske på dine helseopplysningar og blodprøvar kan vi:

• følgje folkehelsa over tid
• finne ut kva faktorar som fremjar helse og kva som kan forårsake sjukdom
• finne genetiske årsaker til sjukdom
• finne ut meir om korleis helse påverkar livsløp
• forbetre folkehelsa gjennom opplysning til legar, myndigheiter med ansvar for helse og folk generelt
• bidra til utvikling av nye medisinar
• bidra til eit sunnare samfunn for alle

Som deltakar i HUNT bidreg du til eit utal forskingsprosjekt og mengder av vitskaplege publikasjonar som gir ny innsikt om helse og sjukdom.

Deltakarane - den viktigaste brikka

Deltakarane i HUNT er den viktigaste brikka i HUNT sin suksess. At så mange har stilt opp frivillig og gitt opplysningar og biologisk materiale er grunnlaget for all HUNT-forsking, og det er heilt unikt i verda. All forsking generert gjennom HUNT har ført til etablering av HUNT forskingssenter med ein toppmoderne biobank, databank, lagringssenter og høgt kvalifiserte tilsette.