Humanistisk nyskaping bidreg til positive forandringar og har nytteverdi for økonomi, samfunn, kultur, offentlege tenester, velferd, miljø og livskvalitet utanfor den akademiske verda. Utdanninga, forskinga og den kunstnariske verksemda ved fakultetet vårt gir oss eit godt grunnlag for å møte samfunnsutfordringane. Tverrfaglegheit er ein føresetnad for å lukkast. Kunnskapen vi har om mennesket og om verdiane og tankesetta våre, legg premissar for tilnærminga vi har til innovasjon og nyskaping.

Det humanistiske fakultetet skal:

• Inkludere sosialt og kulturelt entreprenørskap, innovasjon og nyskaping i studieprogramma og forskinga vår der det er relevant
• Styrke samarbeidet med næringsliv, kulturliv og offentleg verksemd

(frå strategi for Det humanistiske fakultetet 2018-2025)