Prosjektleiar Myren-Svelstad har nyleg publisert to artiklar; den eine om berekraftig litteraturdidaktikk, den andre er ei økokritisk lesing av barnelitteratur.
Artikkelen Sustainable Literary Competence: Connecting Literature Education to Education for Sustainability er del av spesialnummeret «Opening the Ecological Text» i tidsskriftet Humanities. Artikkelen drøftar kritisk antakingar om samanhengen mellom berekraftskompetanse og litterær lesing, og føreslår ein ny måte å tenkje om litteraturundervisningas rolle på.
Artikkelen Ting som er for store og ting som er for små: Økologisk tenkning i Ruth Lillegravens Eg er eg er eg er kan lesast i Barnelitterært forskningstidsskrift. Artikkelen analyserer Lillegravens diktsamling for born, med vekt på korleis dikta overfører økologiske problemstillingar ned på eit forståeleg, mellommenneskeleg nivå.