Eg har ein bakgrunn i biokjemi med studie av enzym som er aktive på polysakkarid frå bruntare. Eg skreiv masteroppgåva mi om å kombinere enzym for nedbryting av polysakkarid i sukkertare, og har bidratt til artiklar om termostabile alginat lyaser. PhD-prosjektet mitt er fokusert på fucoidan og fucoidan-modifiserande enzym, med mål om å karakterisere både strukturen i fucoidan som vert isolert frå bruntare, og nye fucoidan-aktive enzym. Eg jobbar i hovudsak på Tareplattformen, men er òg involvert i prosjekta SNAP og SFI.