Senter for teknologi og samfunn driv grunnlagsorientert forsking, undervisning og formidling innanfor det internasjonale og tverrfaglege feltet vitskaps- og teknologistudiar.

Senteret sine tilsette har brei fagleg bakgrunn, med sosiologi, statsvitskap og historie som dei viktigaste pilarane. Forskarane samarbeider med nasjonale og internasjonale forskingsmiljø og institusjonar og er knytt til ulike internasjonale forskingsprosjekt og -program.

Vår forsking undersøkjer mellom anna samspelet mellom samfunnsendring og teknologisk utvikling, kulturell endring og vitskaplege nyvinningar, politiske utfordringar og ekspertkunnskap, og institusjonsbygging og -endring.